Avropa İttifaqı (Aİ) 18-ci sanksiyalar paketi çərçivəsində Belarusa qarşı maliyyə xidmətlərinə qismən qadağanı tam əməliyyat qadağasına qədər genişləndirib.
Bu barədə Aİ Şurasının bəyanatında deyilir.
"Xüsusi maliyyə xidmətlərinə qadağa əməliyyatlara tam qadağaya qədər genişləndirilib. Həmçinin Belarusdan silah idxalına embarqo tətbiq edilir", - məlumatda qeyd olunub.
Sanksiyalar, həmçinin Belarus hərbi-sənaye kompleksi ilə əlaqəli 8 obyektə qarşı tətbiq edilib. Onların adları hələ ki, dəqiqləşdirilmir.
Bəyanatda qeyd olunub ki, Minskə qarşı yeni tədbirlər əvvəllər Rusiyaya qarşı tətbiq edilənlərlə uyğunlaşdırılıb.
.
