"Ana və körpəsinin ölümündə heç bir həkimin günahı yoxdur.”
Bunu AzNews.az-a açıqlamasında Ağcabədi rayon Rəncbərlər kənd sakini Məzahir Əliyev doğuş zamanı ana və körpə ölümünə münasibət bildirərkən deyib. Onun sözlərinə görə, Təzəgül Qaraşova böyrək çatışmazlığından dünyasını dəyişib:
"Təzəgülü yanvarn 13-də xəstəxanaya apardıq. Həmin günü əməliyyat olunub. Körpəsi də yarımçıq idi. Əməliyyatdan sonra uşaq öldü. Ana isə ağır idi. İki dəfə Bakıdan, bir dəfə Gəncədən həkim dəvət olunub. Ananın böyrəyi süzmürdü, sidik axını olmadığından dializ olundu. Amma dünən gecə vəziyyəti pisləşib və dünyasını dəyişdi.”
Məzahir Əliyev Təzəgül Qaraşovun 6 ildir ailə qurduğunu qeyd edib: "Təzəgül 6 ildir ki, ailə qurub. Amma bu günə kimi uşağı olmayıb. Uzun zaman müalicə olunub. Həmin müalicədən sonra hamilə qalıb. Həkimlər onun hamiləlik vaxtı qəbul etdiyi bütün dərmanları yoxladılar. Məlum oldu ki, anada zülal yüksək olub.”
Rayon Mərkəzi Xəstəxanasının baş həkimi Azad Hüseynov Təzəgül Qaraşovanın kəskin böyrək çatışmazlığı ilə xəstəxanaya gətirildiyini və bu səbəbdən təcili əməliyyat olunduğunu vurğulayıb: "Qeysəriyyə əməliyyatından sonra uşaq öldü. Ana isə sidiyə gedə bilmədi. Bakıdan həkimlər dəvət olunsa da ananı xilas edə bilmədik”.
Ağcabədi rayonunda doğuş zamanı ana və körpə ölümü baş verib. Rayonun Rəncbərlər kənd sakini, 1985-ci il təvəllüdlü Qaraşova Təzəgül Əliş qızı və onun körpəsi ötən gecə Mərkəzi Rayon Xəstəxanasında dünyasını dəyişib.
Yenizaman.az
