ABŞ Prezidenti Donald Tramp Birləşmiş Ştatlara idxal olunan bütün məhsullara azı 10 faiz rüsum tətbiq ediləcəyini açıqlayıb.
"CNN" xəbər verir ki, bu barədə o, canlı müraciəti zamanı deyib. Tramp ABŞ ilə ticarət kəsiri ən yüksək olan ölkələrə tətbiq ediləcək rüsumun daha çox olacağını bildirib. Yalnız ABŞ, Kanada və Meksika arasında azad ticarət sazişinə daxil olan məhsullar istisna ediləcək.
İstisna edilməyən məhsullara 25 faiz vergi tutulmağa davam edəcək. Digər ölkələrdən idxal edilən məhsullara tariflər aprelin 5-i saat 00:01-dən qüvvəyə minəcək.
Donald Tramp ABŞ-ın yeni rüsumlarını açıqlayıb
ABŞ prezidenti Donald Tramp digər ölkələrlə yeni qarşılıqlı tariflərin tətbiq olunduğunu açıqlayıb.
Bu barədə “Bloomberg“ məlumat yayıb.
“Bir neçə dəqiqədən sonra mən dünya ölkələri üçün qarşılıqlı öhdəliklər haqqında tarixi fərman imzalayacağam. Qarşılıqlı. Bu o deməkdir ki, onlar bunu bizə, biz də onlara edirik. Çox sadə. Daha sadə ola bəzdi”, - Tramp qeyd edib.
Tramp xatırladıb ki, Vaşinqton vaxtı ilə gecə yarısı ABŞ ölkəyə idxal ediləcək bütün xarici istehsal avtomobilləri və ehtiyat hissələrinə 25% rüsum tətbiq edəcək.
Avtomobillərin rüsumları aprelin 3-dən, ehtiyat hissələri üçün isə bir qədər sonra qüvvəyə minəcək.
.
