"Çəhrayı ulduz” adlandırılan 59,6 karatlıq almaz 533 milyon Honkonk dollarına, təqribən 71,2 milyon dollara satılaraq dünya rekordu qırıb.
Xarici KİV-lər xəbər verir ki, 59,6 karatlıq almazı Honkonkun nəhəng zərgərlik mağazalar şəbəkəsi alıb. "Çəhrayı ulduz” Asiyanın hərrac tarixində ən bahalı satış hesab edilir.
Bu daş dünyada ən böyük çəhrayı rəngli almazdır. Hərraca qədər onun qiyməti 60 milyon dollar dəyərində təxmin edilirdi.
Bu almaz 1999-cu ildə tapılıb. ilk əvvəl onun çəkisi 132,5 karat olub. Üzərində düzəlişlər aparıldıqdan sonra daş oval formaya salınıb.
