Paytaxtın Babək prospekti istiqamətində asfalt örtüyü çöküb.
Yolun bir hissəsi bağlanıb və nəqliyyat vasitələrinin istiqaməti dəyişdirilib.
Məsələ ilə bağlı Avtomobil Yolları Dövlət Agentliyinin mətbuat xidmətinin rəhbəri Anar Nəcəfli açıqlamasında bildirib ki, sözügedən istiqamətdə yolun təxminən 2-3 kv. metr hissəsində asfalt örtüyü deformasiyaya uğrayıb.
"Hazırda əməkdaşlarımız ərazidədir, həmin deformasiyaya uğramış hissə bərpa olunur.
Problemin hansı səbəbdən yarandığı araşdırılır. İlkin ehtimallara görə, deformasiyaya həmin yolda yenidənqurma işləri aparılan zaman yolun altından çəkilən yeni kommunikasiya xətləri səbəb olub”.
Qeyd edək ki,Babək prospekti 2018-ci ilin fevral ayından təmirə dayanmış və 2019-ci iln yanvarında yenidən istifadəyə verilib.Avtomobil Yolları Dövlət Agentliyi prospektin yüksək standartlarla təmir olunduğu haqqda məlumat vermişdi.
