Avropa İttifaqı növbəti günlər ərzində Rusiyaya qarşı 21-ci sanksiya paketinin qəbul edilməsi üçün dayanmadan çalışır.
Bunu Avropa Komissiyasının Prezidenti Ursula Fon der Lyayen “X” hesabında deyib.
O, Rusiyanın ötən gecə Ukraynaya qarşı həyata keçirdiyi hücumları pisləyib və Ankarada keçiriləcək NATO sammitində bu ölkənin Hava Hücumundan Müdafiə Sistemlərinin gücləndirilməsinin müzakirə olunacağını qeyd edib.
“Ötən həftə 90 milyard avroluq kredit paketinin ilk 4 milyardlıq hissəsini Ukraynanın müdafiəsi və dron texnologiyasının inkişafı üçün təmin etmişik. Tezliklə, daha artığı olacaq”,- Avropa Komissiyası Prezidenti vurğulayıb.
.
