![](/uploads/img/posts/2024/07/13/b016ee94-48fc-37ea-ae61-924870dff0fb_850jpg-1720864269.jpg)
UEFA Almaniyada keçirilən Avropa çempionatının bombardiri ilə bağlı meyarları dəyişib.
Yenizaman "Mirror"a istinadən xəbər verir ki, mükafat vurulan qollara sayına görə öndə olan bütün oyunçulara veriləcək.
Əvvəl isə qolların sayında bərabərlik olanda, bombardir əlavə göstəricilərə əsasən müəyyənləşirdi.
Hazırda mükafata hərəyə 3 qol vuran 6 futbolçu iddia edir: Dani Olmo (İspaniya), Harri Keyn (İngiltərə), Jorj Mikautadze (Gürcüstan), Kodi Qakpo (Niderland), Camal Musiala (Almaniya), İvan Şrants (Slovakiya).
Qeyd edək ki, iyulun 14-də AVRO-2024-ün finalında İspaniya və İngiltərə milliləri üz-üzə gələcək. Bu o deməkdir ki, Keyn və Olmonun bombardir üçün nəzərdə tutulan mükafatı qazanmaq şansı daha çoxdur.
.