Sizləri bu tarixi mərasimimiz münasibəti ilə bu məkanda qəbul etməkdən böyük bir məmnuniyyət duyuram. Mərasimə qatılmağınızla əlaqədar hər birinizə ayrı-ayrı ayrı təşəkkür edirəm.

Bunu Türkiyə Respublikasının Prezidenti Rəcəb Tayyib Ərdoğan səlahiyyətlərinin icrasına başlama mərasimində bildirib.

Rəcəb Tayyib Ərdoğan seçkidə iştirak etdiyi üçün türk millətinin hər bir fərdinə təşəkkür edib: “Səs verməyə qatılan millətimin hər bir fərdinə təşəkkürümü çatdırıram. Xaricdən növbədə duraraq səs verən hər bir vətəndaşımıza, Türkiyədə zəlzələ bölgəsində səs verən, səslərinə sahib çıxan hər bir fərdimizə təşəkkür edirəm”.

Seçkidə qələbə münasibəti ilə onu təbrik edən hər bir dövlət və hökumət başsçısına təşəkkürünü çatdıran Türkiyə Prezidenti qeyd edib ki, Türkiyəyə qarşı böyük sevginin qarşılığını ən gözəl şəkildə verməyə çalışacaq. O, bəzi dairələrin, KİV-lərin Türkiyədə seçkidə millətin iradəsinə təsir etməyə çalışdığını da unutmayacaqlarını vurğulayıb: “Türkiyə tarixinin ən önəmli seçimlərinin birini arxada qoydu. Türkiyəyə, Türk xalqına daha 5 il xidmət etmək şərəfinə nail olduq. Bunun könül coğrafiyamız, xalqımız üçün xeyirli olmasını arzulayıram. Türkiyə üçün əsər yaratmağa və xidmət göstərməyə davam edəcəyik. 85 milyonun hər birinə xidmət edəcəyik. İndiyə qədər xidmət göstərərkən heç kimin səsinin rənginə, dininə baxmadıq. Hər kəsi qucaqlamaq anlayışı ilə hərəkət edirik”.

Türkiyə Prezidenti: Atılan diktatura və avtoritarizm iftiralarının içərisinin tamamilə boş olduğu göründü

Cümhuriyyətin 100 ilində böyük həmrəyliyə ehtiyac var. Bu gün birlik, min illik qardaşlığımızı möhkəmləndirmək günüdür.

Bunu Türkiyə Respublikasının Prezidenti Rəcəb Tayyib Ərdoğan səlahiyyətlərinin icrasına başlama mərasimində bildirib.

Rəcəb Tayyib Ərdoğan küskünlükləri bir kənara qoymağa, Türkiyə Yüz İlinin inşasını dəstəkləməyə çağırıb: “Dəvətimə qatılan bütün vətəndaşlarımıza indidən təşəkkür edirəm”.

Türkiyə Prezidenti qeyd edib ki, prezident seçkilərinin 14 mayda keçirilən birinci və 28 mayda keçirilən ikinci turunun öz mənası var: “Millətimiz əsər yaratmağa və xidmət göstərməyə davam etməyimizi istəyib. Atılan diktatura və avtoritarizm iftiralarının içərisinin tamamilə boş olduğu göründü. Bu seçkilərdə Türkiyə Yüz İli təklifinin insanımız tərəfindən qəbul edildiyini gördük. Qarşıdakı 5 ildəki planlarımızı həyata keçirəcək, seçkidə xalqımıza verdiyimiz vədlərin təqibçisi olacağıq. Verdiyimiz bütün vədləri bir-bir həyata keçirəcəyik. İnkişafımızı yeni bir Konstitusiya ilə möhkəmləndirəcəyik. Atatürkün “Yuradda sülh, cahanda sülh” şüarını praktikada həyata keçirəcəyik. Bundan sonra qlobal problemilərin həllində daha çox səy göstərən, məzlumlara daha çox arxa çıxan bir Türkiyə görəcəyik”.

Rəcəb Tayyib Ərdoğan nəzərə çatdırıb ki, yeni dönəmdə terror təşkilatları ilə daha qətiyyətlə mübarizə aparan, Mavi Vətəndə haqlarını qətiyyətlə qoruyan, demokratik haqları daha çox qoruyan, daha aktiv bir Türkiyə olacaq: “Türkiyənin adını bütün dünyada yüksəltməyə söz veririk. Türkiyənin, xalqımızın maraqlarını hər zəmində qoruyacağımıza söz veririk. Bu gündən Türkiyə Yüz İlinin inşası üçün bismillah deyirik”.

Türkiyə Prezidenti Cümhur İttifaqında təmsil olunan partiyaların liderlərinə, o cümlədən prezident seçkilərinin ikinci turunda ona dəstək verən Sinan Oğana da təşəkkürünü çatdırıb.

.