Bakıda tanınmış alim yol qəzasında həlak olub.
Professor Arif Acaloğlu yol qəzasında həlak olub.
Hadisə Bakı Olimpiya Stadionunun yaxınlığında qeydə alınıb.
Azər Maqsudov idarə etdiyi "Mercedes" markalı avtomobil ilə H.Əliyev prospekti Mərdəkan istiqamətində hərəkətdə olarkən yolu keçən Acaloğlu Arif Mikayıl oğlunu vurub.
Yaralı xəstəxanaya yerləşdirilsə də, orada ölüb.
Qeyd edək ki, türkoloq alimin, İstanbul Mərmərə Universitetinin müəllimi Arif Acaloğlunun Azərbaycan Milli Elmlər Akademiyasının (AMEA) dəvəti ilə konfransda iştirak üçün Bakıya gəldiyi bildirilir.
.
