Naxçıvan Muxtar Respublikası Ali Məclisinin sabiq sədri Vasif Talıbov istefa verməmişdən bir gün əvvəl Bakı şəhərindən Naxçıvana qayıtmışdı.
Pravda.az xəbər verir ki, Vasif Talıbov ilk dəfə hava limanının xüsusi çıxışından istifadə etməyib, xidməti maşını onu təyyarənin trapının yanında qarşılamayıb. O, digər deputatlar kimi Naxçıvan Beynəlxalq Hava Limanının VİP salonundan keçib. Vasif Talıbovu oğlu Seymur Talıbov qarşılayaraq öz şəxsi avtomobili ilə Naxçıvan şəhərinə aparıb.
Həmin günədək Vasif Talıbov Bakı şəhərinə gəlib-qayıdarkən hava limanının xüsusi çıxışından istifadə edirdi. O ərazi digər sərnişinlər üçün qapalıdır, yəni Vasif Talıbovu hava limanının ərazisində heç kim görmürdü. İstefasından bir gün əvvəl isə Talıbov adi sərnişin kimi Naxçıvana qayıtmışdı.
Vasif Talıbovun təbliğatını aparanlar bu informasiyanın yanlış olduğunu bildirirdilər.
Həmin görüntüləri təqdim edirik:
