"Bu gün koronavirusa mutasiya prosesi davam edir. Virusun yolxuculuq indeksi yüksək olsa da, onun ağırlaşdırııcılıq və öldürücülük qabiliyyəti xeyli aşağıdır. Əslində yoluxmanın yüksək olması təbii haldır. Çünki virus adaptasiya edərək hardasa yaşam yeri axtarır. Belə olan halda insan hüceyrəsi hədəf olur".
AZXEBER.COM xəbər verir ki, bu sözləri BAKU.WS-ə açıqlamasında tibb elmləri doktoru, professor Adil Qeybulla bildirib.
Onun sözlərinə görə, sentyabr ayında yoluxanların sayında artım ola bilər: "Bu təbii prosesdir. Pandemiyanın sonuna doğru zatən belə olur.
Hesab edirəm ki, karantin tədbirləri ciddi şəkildə sərtləşdirilməməlidir. Ölkə iqtisadiyyatını nəzərə alaraq sərt karantin tədbirlərinə lüzum yoxdur. Düşünürəm ki, dövləq qurumları bunu nəzərə alacaqlar.
Lakin müəyyən tədbirlərin görülməsi mümkündür. Kütləvi tədbirlərə say məhdudiyyəti və qapalı məkanlarda maka taxılması, karantin qaydalarının gözlənilməsini misal göstərmək olar. Uşaqların sinif otaqlarına, həmçinin vətəndaşların bütün qapalı məkanlara maska ilə daxil olması kimi tədbirlər də görülə bilər".
