Başkordostanda magistral yolda 30-dan çox avtomobilin iştirakı ilə qəza baş verib.
Bu barədə Respublika Prokurorluğunun mətbuat xidməti məlumat yayıb.
Əvvəlcə Başkordostan yol polisinin mətbuat xidməti TASS-a 15-ə yaxın avtomobilin iştirakı ilə baş vermiş qəza barədə məlumat vermişdi.
İlkin məlumatlara görə, bu gün günorta saatlarında əlverişsiz meteoroloji şəraitlə əlaqədar Ufa-Orenburq yolunun 49-cu km-də 30-dan çox avtomobilin iştirakı ilə qəza qeydə alınıb. Nəticədə 1 nəfər ölüb, 5 nəfər xəsarət alıb, nəqliyyat vasitələri mexaniki zədələnib.
.
