![](/uploads/img/posts/2024/02/08/65c460ba8c5d265c460ba8c5d3170736863465c460ba8c5d065c460ba8c5d1jpg-1707368713.jpg)
Moskva MDB-də parçalanma əlamətləri görmür.
Bu barədə Rusiya xarici işlər nazirinin müavini Aleksandr Pankin "RİA Novosti" agentliyinə müsahibəsində məlumat verib.
Nazir müavini Ermənistanı Rusiyanın mühüm tərəfdaşı və MDB-də maraqlı iştirakçı tərəf adlandırıb.
Ermənistanın Moldovanın timsalında birlikdən çıxmaq barədə düşünə bilərmi sualına cavab verərkən o deyib:
"Müəyyən mərhələdə həqiqətən də İrəvanın MDB platformasında fəallığında azalma müşahidə olunub. Amma ümumilikdə ilin yekunlarını müsbət hesab etmək olar. Ermənistan tərəfi təşkilatın oktyabrın 13-də Bişkekdə keçirilən sammitinin əksər qərarlarına qoşulub. 2023-cü ildə qəbul edilmiş birgə bəyanatları dəstəklədi”, - deyə Pankin bildriib.
.