Oleq Ozerov Rusiyanın Moldovadakı yeni səfiri təyin edilib.
Yenizaman-ın TASS-a istinadən xəbərinə görə, bu barədə Rusiya prezidenti Vladimir Putin sərəncam verib.
O. Ozerov 2010-2017-ci illərdə Rusiyanı Səudiyyə Ərəbistanında təmsil edib, 2011-ci ildən isə Rusiyanın İslam Əməkdaşlıq Təşkilatında daimi nümayəndəsi vəzifəsini tutub.
Rusiya Xarici işlər Nazirliyinin xüsusi tapşırıqlar üzrə səfiri olan O. Ozerov həm də “Rusiya-Afrika” Tərəfdaşlıq Forumunun Katibliyinin rəhbəridir.
Qeyd edək ki, son illər rəsmi Kişineunun Rusiya-Ukrayna müharibəsinin yarada biləcəyi təhlükələrin qarşısını almaq üçün 2023-cü ildə hərbi büdcəsinin həcmini artırması, eləcə də ABŞ, NATO və Avropa İttifaqı ilə hərbi sahədə əməkdaşlığa dair müqavilələr imzalaması səbəbindən iki ölkə arasında münasibətlərin səviyyəsində geriləmə müşahidə olunub.
.
