Müqavilə ilə İspaniya "Real Madrid"inə məxsus olan və ötən mövsümü icarə əsasında İngiltərə "Tottenhem"ində keçirən Qaret Beyl London klubunda qalmayacaq.
Bu barədə paytaxt təmsilçisinin yeni baş məşqçisi Nunu Eşpiritu Santu yerli mətbuata açıqlamasında deyib.
Portuqaliya mütəxəssis uelsli yarımmüdafiəinin xidmətində maraqlı olmadıqlarını bildirib. Hazırda İspaniyada olan 32 yaşlı oyunçunun taleyinə "kral klubu" ilə danışıqlardan sonra aydınlıq gələcək.
Qeyd edək kİ. Qaret Beylin "Real Madrid"lə 2022-ci ilin yayınadək müqaviləsi var.
.
