Qazaxıstanın Manqistau vilayətində müvəqqəti təcridxanada saxlanılan 4 Azərbaycan vətəndaşının taleyinə aydınlıq gətirilib.
APA-nın "lada.kz” saytına istinadən verdiyi xəbərə görə, məhkəmənin qərarı ilə onlara daha 5 aylıq həbs cəzası kəsilib.
Məhkəmə prosesi zamanı bildirilib ki, azərbaycanlı balıqçılar 10 fevral 2015-ci il tarixində "Bayda” tipli qayıqla Pirallahı qəsəbəsindən Qazaxıstanın su sərhədlərinə doğru hərəkət ediblər.
Onlar saxlanılan zaman üzərilərində heç bir sənəd, müvafiq icazə kağızı olmayıb.
Məhkəmənin qərarına əsasən, 4 nəfər Azərbaycan vətəndaşına 5 il müddətinə Qazaxıstana giriş qadağan olunacaq.
