Rusiya kiçik hədəfləri hipersəs raketlə vurmağı mənasız hesab edir, bu, topla sərçələri vurmaq kimidir.
Bunu Rusiya Prezidenti Vladimir Putin Astanada keçirilən KTMT sammitinin yekunlarına dair mətbuat konfransında bildirib.
Putin bir daha təsdiqləyib ki, Rusiya Kiyevdə qərar qəbuletmə mərkəzlərinə zərbələr endirmək üçün "Oreşnik"dən istifadə edə bilər.
Rusiya lideri bildirib ki,"Oreşnik"dən istifadənin sınaq aspekti bu silahı təkmilləşdirməyə yönəlib. Onun sözlərinə görə, "Oreşnik"in sınaqları “məsafə ilə döyüş hissəsi arasında oynamaq” cəhdləri ilə bağlıdır.
Putin qeyd edib ki, Ukraynada atılan “Oreşnik” raketində güclü dağıdıcı elementlər olub.
O, “Oreşnik” zərbəsini meteoritin düşməsi ilə müqayisə edib.
Putin Ukraynadakı qərar qəbuletmə mərkəzlərinə hücumlarla bağlı suala cavab olaraq “gün ərzində hər şeyin mümkün olduğunu” deyib.
Rusiya Ukraynanın nüvə silahı əldə etməsinə imkan verməyəcək
Rusiya Federasiyası Ukraynanın nüvə silahı əldə etməsinə imkan verməyəcək.
Bunu Rusiya Prezidenti Vladimir Putin Astanada keçirilən KTMT sammitinin yekunlarına dair mətbuat konfransında bildirib.
Onun sözlərinə görə, Ukraynanın nüvə silahı əldə etməsi halında Rusiya Federasiyası bütün mümkün məhvetmə vasitələrindən istifadə edəcək.
"Hər kəs tərəfindən Ukraynaya nüvə silahının verilməsi nüvə silahının yayılmaması ilə bağlı öhdəliklərin pozulması olardı", - Putin vurğulayıb.
.
