İran Rusiyaya qarşı tətbiq edilən sanksiyaları tanımaqdan imtina edir.
Bunu İran Prezidenti İbrahim Rəisi Rusiya prezidenti Vladimir Putinlə Özbəkistandakı görüşündə deyib.
O bildirib ki, Rusiya və İran ABŞ sanksiyalarının təsirini birgə neytrallaşdırır: "Tehran Moskva ilə əlaqələrini gücləndirməyə davam edəcək".
Görüşdə V. Putin bildirib ki, Rusiya İranın Şanxay Əməkdaşlıq Təşkilatına tamhüquqlu üzv olması üçün hər cür səy göstərib: "Təşkilatdakı tərəfdaşlarımız sizin istəyinizi dəstəklədi. İranla qarşılıqlı ticarət keçən il 81%, bu ilin ilk 5 ayında isə daha 30% artıb".
***
Rusiya Prezidenti Vladimir Putin və İran dövlət başçısı İbrahim Rəisi Şanxay Əməkdaşlıq Təşkilatının (ŞƏT) sammiti çərçivəsində görüşüblər.
TASS xəbər verir ki, Özbəkistanın Səmərqənd şəhərində keçirilən görüşdə Putin İranın ŞƏT-ə qoşulmasından məmnunluq ifadə edib.
“Üzvlük prosesini yekunlaşdırmaq üçün formal məsələlər qalıb. İranla Rusiyanın münasibətləri bütün istiqamətlər üzrə inkişaf edir”, - Putin vurğulayıb.
Rusiya lideri bir çox beynəlxalq məsələlərdə Moskva ilə Tehranın mövqelərinin üst-üstə düşdüyünü də xatırladıb.
.