Norveç Hokkey Federasiyası (NIHF) Mədəniyyət və Bərabərlik Nazirliyinin maliyyələşdirmədən imtina etməsindən sonra 2027-ci il Dünya Çempionatına ev sahibliyi etmək təklifini geri götürüb.
Bu barədə Beynəlxalq Hokkey Federasiyası (IIHF) bildirib.
Turnirin Berum və Trondheim şəhərlərində təşkili planlaşdırılırdı.
NIHF-nin rəhbəri Tage Pettersen təşkilatın “ilkin dialoq olmadan imtinadan məyus olduğunu” söyləyib.
“Buzda hokkey üzrə dünya çempionatı 1994-cü il Olimpiadasından sonra ən böyük qış idman tədbiri olacaq və Norveç idmanı üçün böyük əhəmiyyət kəsb edəcək”, - Pettersen əlavə edib.
Norveçlilər sonuncu dəfə 1999-cu ildə dünya çempionatına ev sahibliyi etmişdilər. Qeyd olunub ki, NIHF 2028-ci il dünya çempionatı üçün mübarizə aparmağa çalışacaq.
.
