Moskvadakı Qırmızı Meydanda faşizm üzərində qələbənin 76-cı ildönümünə həsr olunmuş hərbi parad keçirilib.

Paradı Quru Qoşunlarının Baş Komandanı, ordu generalı Oleq Salyukov idarə edib

Rusiya istehsalı olan "Aurus" markalı kabrioletdə paradı qəbul edən Müdafiə naziri Sergey Şoyqu Rusiya Silahlı Qüvvələrinin Ali Baş Komandanı, Prezident Vladimir Putinə bütün növ qoşunların parada hazır olduğu barədə məruzə edib.

V. Putin parad başlamazdan əvvəl çıxış edib. İkinci Dünya müharibəsində həlak olanların xatirəsi bir dəqiqəlik sükutla yad edilib.

Daha sonra qoşunların təntənəli yürüşü başlayıb.

Hərbi məktəblərin kursantları, Hava və Quru Qoşunlarının, Dəniz Qüvvələrinin, Daxili Qoşunların əsgər və zabitləri Müdafiə Nazirliyinin Hərbi Universiteti və digər ali hərbi məktəblərin məzunları olan qadın hərbi qulluqçular nizami keçid edib.

Hərbçi kolonlarından sonra İkinci Dünya müharibəsinin simvollarından olan məşhur T-34 tankı meydana daxil olub.

Paradda yeni növ döyüş tankları Т-90М və Т-80BVM, "Armata" piyada döyüş maşınları iştirak ediblər. Bundan başqa, paradda "Tornado -S" reaktiv raket sistemi, hava hücumundan müdafiə sistemi S-400 “Triumf”, “Pantsir-S” zenit raket kompleksləri, "İsgəndər M" operativ taktiki raket kompleksi, "Tayfun" və "Tiqr-M" zirehli avtomobilləri və digər ən müasir Rusiya hərbi texnikaları nümayiş olunub.

Parad hərbi aviasiyanın nümayişi ilə başa çatıb. Moskva ətrafındakı aerodromlardan səmaya ümumilikdə 76 hava gəmisi qalxıb. Mi-26, Mi-28 və K-52 helikopterləri, İl-76 hərbi nəqliyyat, Tu-96 MS, Tu VVM3 və Tu-16 bombardmançı, MiQ-29 MST, MiQ-31, beşinci nəsil Su-57 və SU-130SM qırıcıları hava şousu göstəriblər.

Ümumilikdə paradda 12 mindən çox hərbçi iştirak edib. 190-dan çox hərbi texnika, 76 helikopter və təyyarə nümayiş olunub.

Qeyd edək ki, faşizm üzərində Qələbənin 76-cı ildönümünə həsr olunan Paradda qonaq qismində Tacikistan prezidenti Imaməli Raxmon iştirak edib. Paraddan sonra Putin və Raxmon “Aleksandr Bağı”ndakı Naməlum əsgərin məzarını ziyarət ediblər.

***

Moskvada 9 may Qəlbə günü münasibilə hərbi parad başlayıb.

Parad paytaxtı mərkəzi Qırmızı meydanında keçirilir.

Hərbi parada Rusiya ordusunun Quru qoşunlarını komandanı Oleq Salyukov rəhbərlik edir.

Tədbirdə 12 mindən çox hərbi qulluqçu, 190 hərbi texnika və 80-ə yaxın təyyarə və heilikopter iştirak edir.

.