Macarıstan Beynəlxalq Cinayət Məhkəməsindən çıxır - Rəsmi açıqlama
Macarıstan Beynəlxalq Cinayət Məhkəməsindən çıxır.
Bu barədə Macarıstan Baş naziri Viktor Orbanın aparat rəhbəri Zoltan Kovaks X platformasında paylaşımında qeyd edib.
BCM-dən çıxma prosesi başlayır
“Macarıstan Beynəlxalq Cİnayət Məhkəməsini tərk edir. Nazir Qerqeli Qulyas hökumətin BCM-dən çıxmaq qərarı qəbul etdiyini bəyan edib”, - Kovaks qeyd edib.
Qeyd edilib ki, Macarıstanın BCM-dən geri çəkilməsi prosesi bu gün başlayacaq və ölkə konstitusiyasına, həmçinin beynəlxalq hüquqi öhdəliklərinə əsasən həyata keçiriləcək.
Prosedura nə vaxt başlanılacaq?
Macarıstanın Baş nazirinin Dəftərxanasının rəhbəri Gergey Quyaş vurğulayıb ki, müvafiq prosedurlara aprelin 3-dən başlanılması nəzərdə tutulub.
Ölkənin bu qərarı İsrailin Baş naziri Benyamin Netanyahunun Budapeştə səfəri və Macarıstanın hökumət başçısı Viktor Orbanın israilli həmkarının həbs edilməyəcəyi barədə bəyanatı ilə üst-üstə düşüb.
Macarıstanın BCM-dən çıxmasının səbəbi nədir?
Hələ fevral ayında Macarıstanın xarici işlər naziri Peter Siyarto BCM-i tərk etmək məsələsinin nəzərdən keçirildiyini açıqlayıb. O bildirib ki, qərara səbəb məhkəmənin siyasi alətə çevrilməsidir.
BCM-də iştirak etməyən ölkələr
Xatırladaq ki, hazırda Rusiya, ABŞ, Çin, İsrail, Hindistan və İran da daxil olmaqla, bir sıra dövlətlər bu beynəlxalq qurumun işində iştirak etmir.
Hökumətin yekun qərarından sonra Macarıstan Beynəlxalq Cinayət Məhkəməsinin tərkibindən ayrılan yeganə Avropa İttifaqı ölkəsi olacaq.
.
