İngiltərə Premyer Liqasında XVIII turun daha bir matçı keçirilib.
Mərkəzi oyunda “Tottenhem”lə “Liverpul” üz-üzə gəlib.
Londondakı qarşılaşmanın ilk hissəsində tərəflər hərəyə bir dəfə fərqlənib. Harri Keyn 13-cü dəqiqədə hesabı açıb. 35-ci dəqiqədə Dioqo Jota ilə hesabı bərabərləşdirən “qırmızılar” 70-ci dəqiqədə önə keçib. Müdafiəçi Endi Robertson fərqlənib. Lakin cəmi 4 dəqiqə sonra Xın Min Son oyunda son nöqtəni qoyaraq, status-kvonu bərpa edib – 2:2.
Qeydə alınan heç-heçə bu gün “Nyukasl” üzərində 4:0 hesablı qələbə qazanan lider “Mançester Siti”nin ikinci pillədəki “Liverpul”la xal fərqini 3-ə yüksəltməsinə səbəb olub. “Tottenhem” isə 26 xalla 7-ci yerdədir.
.
