"Azərbaycanda mənfi kredit tarixçəsi olanlar da kirayə mənzillər üçün müraciət edə bilərlər ki, bu da vətəndaşlar üçün yaradılmış fürsətlərdəndir".
Bu barədə İpoteka və Kredit Zəmanət Fondun (İKZF) Kirayə Mənzil Departamentinin direktor müavini Aslan Zeynalov bildirib.
Onun sözlərinə görə, satmaq öhdəliyi ilə verilən kirayə mənzillərin vətəndaşlar üçün üstünlüyü ipoteka ilə əldə etməkdən daha çoxdur: "Bunlardan biri ilkin ödənişin demək olar ki, olmamasıdır. Vətəndaşlarımızdan əksəriyyəti normal gəlirləri olduğu halda belə ipoteka üçün ilkin ödənişi toplaya bilmirlər. Amma kirayə mənzillər bu baxımdan onlar üçün əlverişlidir".
O qeyd edib ki, daha bir üstəlik mənzillərin Bakı, Sumqayıt və Abşeronun müxtəlif ərazilərində yerləşməsi və tam təmirli olmasıdır:
“Bundan başqa, heç bir faizin olmaması, hətta sığorta haqqının belə Fond tərəfindən ödənilməsi belə üstünlüklərdəndir”.
Xatırladaq ki, Azərbaycanda kirayə mənzil mexanizminin tətbiqinə 2019-cu ildə başlanılıb. Bunun üçün İKZF Bakı, Xırdalan və Sumqayıt şəhərlərində 1 yanvar 2013-cü ildən sonra inşa edilmiş, tikinti standartlarına və normalarına uyğun olan hündürmərtəbəli binalardan mənzillər alaraq balansına daxil edib və ölkə vətəndaşlarına təklif etməyə başlayıb. Bütün mənzillər tam təmir edilib, elektrik enerjisi, təbii qaz və su ilə təchiz olunub. Onlar infrastruktur obyektləriə (səhiyyə, təhsil, ictimai iaşə, nəqliyyat və s. yaxın yerləşir.
Azərbaycan vətəndaşı dövlətə məxsus mənzillərdə kirayəçi olmaq üçün rəsmi gəlirlərə malik olmalı, məhkumluğu olmamalıdır. Bundan başqa, müraciət anına yaşın 60-dan çox olmaması (son ödəniş tarixinə isə yaşın 70-dən çox olmaması), vaxtı keçmiş öhdəliklərin olmaması da şərtdir.
Kirayə müqaviləsi 3-25 il müddətinə bağlanılır, vətəndaş sonuncu ilin ödənişini – azı 1 illik kirayə haqqını əvvəlcədən həyata keçirir və növbəti aydan ödənişə başlayır.
Şəffaflığın və operativliyin təmin olunması məqsədilə vətəndaşların müraciətləri tam elektronlaşdırılıb. Sənədlər Fonda təqdim edildikdən sonra təcrübədə ən qısa vaxtda, 3 iş günü ərzində müraciətə baxılması, müvafiq qərarın qəbul edilməsi, kirayə müqaviləsinin rəsmiləşdirilməsi və mənzilin vətəndaşa təhvil verilməsi prosesi tamamlanır.
Bu günə qədər İpoteka və Kredit Zəmanət Fondu balansında olan 2 014 mənzili satmaq öhdəliyi ilə kirayəyə verib.
Aslan Zeynalov: "Hazırda vətəndaşlara 9 ünvanda satmaq öhdəliyi ilə kirayə mənzillər təqdim olunub"
"Bu gün İpoteka və Kredit Zəmanət Fondu (İKZF) kirayə mənzilləri vətəndaşların istəklərinə uyğun olaraq Bakı, Sumqayıt şəhərlərində və Abşeron rayonunda mənzillər alaraq təqdim edir. Hazırda 9 fərqli ünvanda kirayə mənzillərimiz var".
Bu barədə İpoteka və Kredit Zəmanət Fondunun Kirayə Mənzil Departamentinin direktor müavini Aslan Zeynalov bildirib.
O mənzillərin seçilmə mexanizmi haqqında da məlumat verib:
“Bu gün "ASAN xidmət"ə yaxınlaşan vətəndaş sənədlərini təqdim etməklə yanaşı, həmçinin hansı ərazilərdə mənzil əldə etmək istəyini də bildirir. Bu tələblər əsasında aparılan qeydlər və Fond tərəfindən həyata keçirilən ictimai sorğular əsasında ümumi tələbat müəyyənləşir. Fondun bu gün təqdim etdiyi mənzillər məhz həmin tələbat əsasında alınıb”.
Xatırladaq ki, Azərbaycanda kirayə mənzil mexanizminin tətbiqinə 2019-cu ildə başlanılıb. Bunun üçün İKZF Bakı, Xırdalan və Sumqayıt şəhərlərində 1 yanvar 2013-cü ildən sonra inşa edilmiş, tikinti standartlarına və normalarına uyğun olan hündürmərtəbəli binalardan mənzillər alaraq balansına daxil edib və ölkə vətəndaşlarına təklif etməyə başlayıb. Bütün mənzillər tam təmir edilib, elektrik enerjisi, təbii qaz və su ilə təchiz olunub. Onlar infrastruktur obyektləriə (səhiyyə, təhsil, ictimai iaşə, nəqliyyat və s. yaxın yerləşir.
Azərbaycan vətəndaşı dövlətə məxsus mənzillərdə kirayəçi olmaq üçün rəsmi gəlirlərə malik olmalı, məhkumluğu olmamalıdır. Bundan başqa, müraciət anına yaşın 60-dan çox olmaması (son ödəniş tarixinə isə yaşın 70-dən çox olmaması), vaxtı keçmiş öhdəliklərin olmaması da şərtdir.
Kirayə müqaviləsi 3-25 il müddətinə bağlanılır, vətəndaş sonuncu ilin ödənişini – azı 1 illik kirayə haqqını əvvəlcədən həyata keçirir və növbəti aydan ödənişə başlayır.
Şəffaflığın və operativliyin təmin olunması məqsədilə vətəndaşların müraciətləri tam elektronlaşdırılıb. Sənədlər Fonda təqdim edildikdən sonra təcrübədə ən qısa vaxtda, 3 iş günü ərzində müraciətə baxılması, müvafiq qərarın qəbul edilməsi, kirayə müqaviləsinin rəsmiləşdirilməsi və mənzilin vətəndaşa təhvil verilməsi prosesi tamamlanır.
Bu günə qədər İpoteka və Kredit Zəmanət Fondu balansında olan 2 014 mənzili satmaq öhdəliyi ilə kirayəyə verib.
.
