“Bərdə möhkəm qətiyyəti ilə əvvəlkindən daha güclüdür”.
Bunu Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev "Twitter" hesabında bildirib.
“Nikol Paşinyan, siz kasetli raket hücumu ilə Bərdənin mülki əhalisini qorxutmaq istədiniz? Bərdə möhkəm qətiyyəti ilə əvvəlkindən daha güclüdür. Böyük səhv etdiniz, hesabınıza daha bir hərbi cinayət əlavə etdiniz. Biz sizin cinayətlərinizi göstərmək üçün indi də Tərtərə gedirik”, - deyə H. Hacıyev qeyd edib.
Xatırladaq ki, oktyabrın 28-də Ermənistan silahlı qüvvələrinin Bərdəyə endirdiyi raket zərbələri nəticəsində 21 mülki şəxs həlak olub, 70-dən artıq şəxs yaralanıb.
.
