Fövqəladə Hallar Nazirliyi (FHN) tərəfindən Gəncə şəhərində bəzi attraksionların istismarı dayandırılıb.

Bu barədə FHN-dən bildirilib.

Agentliyin müfəttişləri Gəncə şəhərinin Yeni Gəncə qəsəbəsində yerləşən parkda fərdi sahibkar Məmmədov Elnur Cəfər oğluna məxsus attraksionlarda plan üzrə yoxlama aparıblar.

Təhlükəli pozuntular aşkarlanıb

Yoxlama zamanı attraksionlarda insan həyatı və sağlamlığı üçün təhlükə yarada biləcək pozuntular müəyyən edilib.

Müəyyən olunub ki, parkda fəaliyyət göstərən 20 ədəd attraksionun torpaqlanma konturu və qidalandırıcı yumşaq naqillərin izolyasiyalarının müqavimətləri ölçülməyib.

Aşkar olunmuş nöqsanların dərhal aradan qaldırılmasının mümkün olmadığı və onların insan həyatı üçün təhlükə yaratdığı nəzərə alınaraq, Agentliyin əməkdaşları attraksionların istismarını dayandırıb. Pozuntuların aradan qaldırılması üçün tərtib olunmuş aktın bir nüsxəsi sahibkara təqdim edilib.

.