Paris Moskva və Vaşinqtonla birlikdə Dağlıq Qarabağda atəşkəsə nail olmaq üçün səyləri davam etdirir.

TASS verdiyi xəbərə görə, bu barədə Fransa Parlamentində çıxış edən Avropa və Xarici İşlər Nazirliyi üzrə nazir-nümayəndəsi Frank Rister deyib.

“Fransa Minsk Qrupunun digər iki həmsədr ölkəsi - Rusiya və ABŞ-la birlikdə atəşkəsə nail olmaq və danışıqların bərpası üçün münaqişə tərəfləri ilə təmasları davam etdirir. Bu danışıqlar beynəlxalq hüquq çərçivəsində uzunmüddətli böhrandan çıxış yolu tapmağa kömək etməlidir. Münaqişə zonasında vəziyyət çətindir: onlarla qurban, yüzlərlə yaralı var. Fransa bu böhrandan çıxış yolu tapmaq üçün əlindən gələni edir. Bu böhran həm Ermənistan, həm Azərbaycan üçün, həm də bölgədəki sabitlik üçün ciddi bir təhdiddir”, - deyə F. Rister qeyd edib.
 

.