Azərbaycanın tanınmış jurnalisti, professor Şirməmməd Hüseynovun 91 yaşı tamam olub.
Qocaman jurnalist doğum günü ilə bağlı AzVision.az-ın suallarını cavablandırıb.
-Şirməmməd müəllim necəsiniz, doğum gününüzü necə qeyd edirsiniz?
Çox sağ olun. Lap əlayam. Bu gün mənim günümdür. Necə olmalıyamki?! Tanışlar, dostlar zəng edib təbrik ediblər.
-Nəvələriniz də sizi təbrik ediblər?
-Nəvələrim də, nəticələrim də var. Axşam hamısı gələcəklər. Bir yerdə olacağıq. Ad günümü yalnız ailə üzvülərimizlə qeyd edəcəyəm. İndi evdə hazırlıq gedir.
-Xanımınıza evdə ən çox sevdiyiniz hansı yeməyi bişirməyi tapşırmısınız?
– Plov bişirəcək.
-Plovu çoxmu sevirsiniz?
-Bəli. Plov süfrəmizin şahıdır.
-Ad gününüzdə özünüzə nə arzulayarsınız?
-Gələn il Azərbayacan Xalq Cumhuriyyətinin 100 illiyi olur. Mənim ən böyük arzum budur ki, ömür vəfa etsin bayrama hazırlaşa bilim.
– Bu illər ərzində sizi bir dəfə də olsun yorulan görmədik. Sizin üçün bu illərin ən böyük mükafatı nədir?
-Biz gərək əvvəlki kişilərin nə üçün işlədiklərini yada salaq. Abbas Səhət Mirzə Ələkbər Sabirin "Hophopnamə”sini çap etdirdi. Girişini isə belə yazmışdı: "Mirzə Ələkbər Sabir ömrü boyu bu millətə etdiyi xidmətin mükafatını heç kimdən gözləmirdi. Öz vicdanından alırdı. Dünyada adamın öz vicdanından aldığı mükafatı heç kim, heç bir orden, medal verə bilməz. İnsan ən böyük mükafatı öz vicdanından ala bilər. İnsanın vicdanı təmiz olmalıdır.
Enter.News
.
