Azərbaycan millisinin DÇ-2022-nin seçmə mərhələsi çərçivəsində sentyabrda keçirəcəyi oyunlarına qonaq azarkeşlər buraxılmayacaq.
BBC xəbər verir ki, bu barədə UEFA və FİFA qərar verib.
Adıçəkilən qurumlar koronavirus pandemiyası ilə əlaqədar gələn ay Avropada seçmə mərhələ matçlarına səfər komandalarının fanatlarının buraxılmamasını məqsədəuyğun sayıb. Oktyabr və noyabrdakı qarşılaşmalarla bağlı isə müzakirə aparılacaq.
Qeyd edək ki, DÇ-2022-nin seçmə mərhələsinin A qrupunda yer alan millimiz sentyabrın 1-də Lüksemburqun, 4-də İrlandiyanın qonağı olacaq, 7-də isə Portuqaliyanı qəbul edəcək.
.
