Bakının Nəsimi rayonu, Mövsüm Sənani küçəsi 29 ünvanında kranın aşması nəticəsində 5 avtomobilə ciddi ziyan dəyib.
Trend-in hadisə yerində olan müxbirinin verdiyi məlumatına görə, hadisə nəticəsində kran küçədə dayanan 5 avtomobilin üzərinə aşıb. Həmin avtomobillər tam yararsız vəziyyətə düşüb.
Hadisə nəticəsində 1 nəfər - kranın sürücüsü dünyasını dəyişib. 8 mərtəbəli yaşayış binasının sonuncu mərtəbələrində olan iki mənzilin damına ziyan dəyib.
.
