Azərbaycan Prezidenti İlham Əliyevin Milli Məclis qarşısında qaldırdığı vəsatət əsasında Azərbaycanda hərbi vəziyyət təsdiq edilib.

Bu barədə Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev keçirilən brifinqdə deyib.

O bildirib ki, dövlət başçısının fərmanı ilə qərara alınıb ki, 28 sentyabr saat 00:00-dan etibarən bütün ölkə üzrə hərbi vəziyyət elan edilsin.

H.Hacıyevin sözlərinə görə, fərmanda o da bildirilir ki, bununla yanaşı, bir çox regionda komendant saatı tətbiq olunsun.

Komendant saatı elan olunan şəhər və rayonlar açıqlandı - SİYAHI

Azərbaycan Respublikası ərazisində tətbiq ediləcək hərbi vəziyyət dövründə vətəndaşlar xüsusi icazə əsasında küçələrə çıxa biləcək.

Bunu Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

O bildirib ki, Azərbaycan Respublikasının Konstitusiyasının 109-cu maddəsinin 29-cu bəndi və 111-ci maddəsi rəhbər tutularaq, ölkə başçısı tərəfindən bu qərar verilib:

“Azərbaycan Respublikasının Silahlı Qüvvələrinin Azərbaycan Respublikasının Dağlıq Qarabağ bölgəsini və ətraf rayonları işğal etməsi və Azərbaycan Respublikasına qarşı silahlı hücumları və mütəmadi hərbi təxribatlar törətməsi ilə əlaqədar 2020-ci il 28 sentyabr tarixində saat 00:00-dan respublika ərazisində hərbi vəziyyət elan olunub”.

Hərbi vəziyyətin təmin edilməsi məqsədilə “Hərbi vəziyyət” haqqında Azərbaycan Respublikasının Qanununda nəzərdə tutulan tədbirlər həyata keçiriləcək:

“Bakı, Gəncə, Sumqayıt, Yevlax, Mingəçevir, Naftalan şəhərlərində, Abşeron, Cəbrayıl, Füzuli, Ağcabədi, Beyləqan, Ağdam, Bərdə, Tərtər, Goranboy, Göygöl, Daşkəsən, Gədəbəy, Tovuz, Şəmkir, Qazax, Ağstafa rayonlarında hərbi vəziyyət dövründə axşam saat 21:00-dan səhər saat 06:00-dək komendant saatı tətbiq ediləcək.

Komendant saatının tətbiq edildiyi ərazilərdə şəxslərin xüsusi icazə və şəxsiyyəti təsdiq edən sənədləri olmadan küçədə və digər ictimai yerlərdə olması qadağan edilib”.

Hərbi vəziyyətdə icazələr necə alınacaq? - RƏSMİ AÇIQLAMA

Hərbi vəziyyət zamanı müvafiq icazələrə “ASAN Xidmət” və Daxili İşlər Nazirliyi tərəfindən nəzarət ediləcək.

Bunu Prezidentin köməkçisi Hikmət Hacıyev keçirilən brifinqdə deyib.

O bildirib ki, icazələr icazə-e.gov.az sistemi vasitəsilə alınacaq.

.