Azərbaycan ərazisində haqqı ödənilən əmək fəaliyyəti ilə məşğul olmaq üçün əcnəbilərə və ya vətəndaşlığı olmayan şəxslərə verilən (müddəti uzadılan) iş icazələri elektron qaydada tərtib olunacaq.
Bu, Prezident İlham Əliyevin Miqrasiya Məcəlləsinə dəyişikliyin tətbiqi ilə bağlı imzaladığı Fərmanda əksini tapıb.
Fərmana əsasən Dövlət Miqrasiya Xidməti Azərbaycan Respublikasının ərazisində haqqı ödənilən əmək fəaliyyəti ilə məşğul olmaq üçün əcnəbilərə və ya vətəndaşlığı olmayan şəxslərə verilən (müddəti uzadılan) iş icazələrinin elektron qaydada tərtib edilməsini və işəgötürənə təqdim edilməsini təmin etmək məqsədilə üç ay müddətində zəruri tədbirlər görməlidir.
.
