Azərbaycanda 2023-2030-cu illərdə audiovizual yayımların inkişaf konsepsiyası hazırlanacaq.
“Radio-Televiziya Yayımı və Peyk Rabitəsi” İstehsalat Birliyindən (Teleradio İB) verilən məlumata görə, bununla bağlı
“Teleradio”da Rəqəmsal İnkişaf və Nəqliyyat Nazirliyinin, Audiovizual Şuranın, Medianın İnkişafı Agentliyinin, eləcə də radio-televiziya şirkətlərinin məsul nümayəndələrinin iştirakı ilə görüş keçirilib.
Konsepsiyanın hazırlanması Türkiyənin “Arthur D. Little” Konsaltinq Xidmətləri Səhmdar Şirkətinə həvalə olunub. Görüşdə şirkət təmsilçisi təqdimatla çıxış edib.
Konsepsiyanın texniki-iqtisadi cəhətdən səmərəli hazırlanması ilə bağlı toplantı iştirakçıları tərəfindən bir sıra təkliflər irəli sürülüb.
Konsepsiyanın hazırlandığı müddətdə müzakirələrin davam etdirilməsi nəzərdə tutulub.
