Gürcüstan hakimiyyətinin Korrupsiyaya Qarşı Mübarizə Bürosunun ləğvi barədə qərarı ölkənin Avropa İttifaqına (Aİ) üzvlük yolundan daha da uzaqlaşdığını sübut edir.
Bu barədə Avropa Komissiyasının spikeri Giyom Mersye bildirib.
O, Gürcüstanda korrupsiyaya qarşı mübarizədə tənəzzülün müşahidə olunduğunu qeyd edib.
Mersyenin sözlərinə görə, korrupsiya ilə mübarizə ölkənin Aİ-yə qoşulması üçün yerinə yetirməli olduğu əsas işin bir hissəsidir.
Qeyd edək ki, Korrupsiyaya Qarşı Mübarizə Bürosu 2026-cı ilin martından fəaliyyətini dayandıracaq. Aİ-nin tövsiyəsi ilə 2022-ci ildə yaradılmış qurumun funksiyaları Dövlət Audit Xidmətinə ötürüləcək.
.
