Koronavirus pandemiyası zamanı qəbul olunmuş sosial məsafə qaydaları yoluxmanın qarşısının alınmasına təminat vermir.
Kiprin Nikosiya Universitetini professorları Dimitris Drikakis və Talib Dbouk bu qənaətə gəlib.
Alimlər hesab edir ki, virusun yayılmasında hava amilləri, xüsusilə də külək böyük rol oynayır.
D.Drikakisin sözlərinə görə, 2 metrlik sosial məsafə qaydası yalnız tam küləksizlik şəraitində səmərəlidir. Bundan başqa, havanın temperaturu və rütubətlilik də virusun yayılmasında müəyyən rol oynayır.
Mütəxəssislər təklif edir ki, epidemioloji modellər araşdırılarkən iqlim şərtləri də hava yolu ilə yoluxma indeksinə daxil edilməlidir.
Alimlər koronavirusun mutasiyası ilə bağlı yeni məlumatlar əldə edib
İmmun sistemi zəif olan insanların COVID-19-dan sağalan insanların plazması ilə müalicəsi SARS-CoV-2 koronavirusunun yeni mutasiyalarının baş verməsinə səbəb ola bilər.
Bu barədə "Bloomberg" agentliyi Böyük Britaniya alimlərinin tədqiqatlarına istinadən bildirib.
Həkimlər səkkiz ildir xərçənglə mübarizə nəticəsində immuniteti zəifləyən COVID-19 xəstəsinin vəziyyətini izah edirlər. Əvvəlcə xəstə "Remdesivir" virusa qarşı dərmanı ilə müalicə edilib, sonra isə ona COVID-19-dan sağalan insandan antiсismləri olan plazmanı yeridiblər.
Müalicə ilə paralel olaraq, alimlər virusun genomundakı dəyişiklikləri araşdırıblar.
Tədqiqatçıların aldığı məlumata görə, "Remdesivir" ilə iki müalicə kursundan sonra koronavirus demək olar ki, mutasiya etməyib, lakin plazma vurulduqdan sonra virusda ciddi dəyişikliklər qeydə alınıb. Virusun yeni növlərinin daha çox yoluxucu və neytrallaşdırıcı anticismlərə qarşı daha az həssas olduğu aşkar edildi.
Qeyd edilib ki, anticismlərlə müalicə xəstəyə zərər vermədi, lakin açıq aşkar bir fayda da verməyib. Xəstəxanaya yerləşdirildikdən 102 gün sonra xəstə öldü.
.
