AFFA İntizam Komitəsinin Premyer Liqanın XXXI turu ilə bağlı qərarları açıqlanıb

AFFA İntizam Komitəsinin Azərbaycan Premyer Liqasının XXXI turu ilə bağlı qərarları açıqlanıb.

Qurumun bu gün baş tutan iclasında 5 oyunda yaşananlar müzakirə mövzusu olub.

“Turan Tovuz” – “Sumqayıt” oyununda “Turan Tovuz” klubunun 4 futbolçusu sarı vərəqə aldığına görə “Turan Tovuz” klubu 700 manat cərimə edilir (maddə 37);

19.04.2024-cü il tarixində Misli Premyer Liqasında XXXI turun “Turan Tovuz” – “Sumqayıt” oyunu bitdikdən sonra meydançaya kənar şəxslər daxil olduğuna görə “Turan Tovuz” klubu 800 manat cərimə edilir (maddə 51.2);

19.04.2024-cü il tarixində Misli Premyer Liqasında XXXI turun “Turan Tovuz” – “Sumqayıt” oyununun birinci hissəsi bitdikdən sonra “Turan Tovuz” klubunun azarkeşləri tərəfindən meydançaya kənar əşya atıldığına görə “Turan Tovuz” klubu 800 manat cərimə edilir (maddə 52.1);

19.04.2024-cü il tarixində Misli Premyer Liqasında XXXI turun “Turan Tovuz” – “Sumqayıt” oyununda “Sumqayıt” klubunun 4 futbolçusu sarı vərəqə aldığına görə “Sumqayıt” klubu 700 manat cərimə edilir (maddə 37);

20.04.2024-cü il tarixində Misli Premyer Liqasında XXXI turun “Qarabağ” – “Qəbələ” oyununun 66-cı dəqiqəsində “Qarabağ” klubunun azarkeşləri tərəfindən pirotexniki vasitədən istifadə edildiyinə görə “Qarabağ” klubu 1500 manat cərimə edilir (maddə 52.2);

20.04.2024-cü il tarixində Misli Premyer Liqasında XXXI turun “Zirə” – “Neftçi” oyununun 67-ci dəqiqəsində “Zirə” klubunun 29 nömrəli futbolçusu Ceyhun Nuriyev ikinci sarıdan qırmızı vərəqə aldığına görə 1 oyun cəzalanır, “Zirə” klubu 500 manat cərimə edilir (maddə 36.5);

20.04.2024-cü il tarixində Misli Premyer Liqasında XXXI turun “Zirə” – “Neftçi” oyunu bitdikdən sonra meydançaya kənar şəxs daxil olduğuna görə “Zirə” klubu 800 manat cərimə edilir (maddə 51.2);

21.04.2024-cü il tarixində Misli Premyer Liqasında XXXI turun “Kəpəz” – “Sabah” oyununun 87-ci dəqiqəsində “Kəpəz” azarkeşləri tərəfindən kütləvi şəkildə təhqiramiz ifadələr səsləndirildiyinə görə “Kəpəz” klubu 1000 manat cərimə edilir (maddə 43.7);

21.04.2024-cü il tarixində Misli Premyer Liqasında XXXI turun “Araz-Naxçıvan” – “Səbail” oyunu bitdikdən sonra meydançaya kənar şəxslər daxil olduğuna görə “Araz-Naxçıvan” klubu 800 manat cərimə edilir (maddə 51.2);