:
RU   AZ
  • Font size:
  • Decrease
  • Reset
  • Increase

"Moody's": MDB-də islahatlar dövlət idarəetməsinin səmərəliliyini artırsa da, institusional mühit hələ də zəifdir

Font

Bir çox MDB ölkələrində institusional mühitin keyfiyyəti əhalinin müqayisəli gəlir səviyyəsi ilə digər ölkələrə nisbətən daha aşağıdır. Əksər MDB ölkələrində iqtisadi islahatlar aparılsa da, bir çox hallarda onların tərəqqi tempi getdikcə yavaşlayır və ya az nəzərə çarpır.

bu barədə "Moody's Investors Service" beynəlxalq reytinq agentliyinin yeni hesabatında deyilir.

Hesabatda qeyd olunub ki, son illər ərzində MDB ölkələri islahatların həyata keçirilməsində əhəmiyyətli dərəcədə irəliləyiş əldə ediblər və bu, müxtəlif səviyyələrdə olmasına baxmayaraq, dövlət qurumlarının səmərəliliyinin qiymətləndirilməsini artırmağa kömək edib.

Xarici və daxili çağırışlar, həmçinin 2014-2016-cı illərdə MDB ölkələrində baş verən siyasi hadisələr sürətli institusional islahatlara və dövlət idarəetməsinin səmərəliliyinə səbəb olan böhran hadisələrinin aradan qaldırılmasına yönəlmiş bir sıra hökumət təşəbbüslərinin katalizatoru oldu. Buna baxmayaraq, MDB ölkələrində institutların keyfiyyəti, əsasən qanunun aliliyinin olmaması, korrupsiya və Sovet sistemindən tam keçilməməsi ilə digər inkişaf etməkdə olan bölgələrə nisbətən daha aşağı səviyyədədir.

"Bəzi ölkələrdə islahatların davam edəcəyini gözləyirik, lakin digər ölkələrdə daxili və xarici problemlər zəiflədikcə iqtisadi siyasətdəki dəyişikliklərin yavaşlamasının şahidi oluruq", - deyə "Moody's”in vitse-prezidenti və böyük kredit mütəxəssisi Evan Volmann bildirib.

"Moody's"in hesab edir ki, Özbəkistan (B1, "sabit") və Ukraynada (Caa1, "sabit") islahatlara onları praktiki tətbiq etməkdə duran çətinliklər, Qırğızıstan (B2, "sabit") və Moldovada (B3, "sabit") – daxili siyasi əngəllər, Qazaxıstan (Baa3, "müsbət") və Azərbaycanda isə (Ba2, "stabil") – 2014-2016-cı illərin zərbələrindən sonra iqtisadiyyatı bərpa etdikcə islahat stimulunun azalması mane olur.

"Üstəlik, korrupsiyaya nəzarət və qanunun aliliyi kimi göstəricilərdə əks olunan institusional mühitin keyfiyyəti ümumiyyətlə MDB ölkələrində aşağı olaraq qalır və bu, ölkələrin institusional sabitliyini və iqtisadi potensialını qiymətləndirməyimizi məhdudlaşdırır" - deyə E. Volmann əlavə edib.

İslahatlar dövlət idarəçiliyinin yaxşılaşdırılmasına səbəb olsa da, institusional mühitin yaxşılaşdırılması ilə bağlı irəliləyişlər daha az nəzərə çarpıb.