:
RU   AZ
  • Font size:
  • Decrease
  • Reset
  • Increase

Azərbaycanda ən bahalı kreditlər hansı rayonda verilir?

Font

Azərbaycanda ən bahalı kreditlər Dağlıq Şirvan iqtisadi rayonunda verilir.

Trend Mərkəzi Bankın statistikasına istinadən xəbər verir ki, bu iqtisadi rayonda kreditlər üzrə illik faiz dərəcələri martın sonuna 23,5% təşkil edib.

Bu göstəriciyə görə ikinci yerdə Yuxarı Qarabağ iqtisadi rayonu - 23,4%, üçüncü yerdə isə Aran iqtisadi rayonu - 23% qərarlaşıb.

Azərbaycanın iqtisadi rayonlarında kreditlər üzrə orta faiz dərəcələri:.

Azərbaycan üzrə kredit qoyuluşunun ölkə üzrə ümumi orta faiz dərəcəsi 11,8% olub. Bakı şəhəri üzrə bu rəqəm 10 faiz təşkil edib.

Mərkəzi Bankın statistikasına əsasən, Azərbaycanda aprelin 1-nə kredit qoyuluşu 13,06 milyard manat olub.

Bu kreditlərin böyük hissəsi və ya 10,68 milyard manatı Bakı şəhərinin payına düşüb. İkinci yerdə isə 606,68 milyon manatla Aran iqtisadi rayonu qərarlaşıb. Üçüncü yerdə 499,8 milyon manatla Abşeron iqtisadi rayonu dayanıb.

Kreditləşmənin həcminə görə ən aşağı göstərici Yuxarı Qarabağ iqtisadi rayonunda olub - 51,64 milyon manat.

Digər iqtisadi rayonların kredit qoyuluşu göstəricisi aşağıdakı kimi olub: Dağlıq Şirvan iqtisadi rayonu - 64,56 milyon manat, Gəncə-Qazax iqtisadi rayonu - 498,6 milyon manat, Quba-Xaçmaz iqtisadi rayonu - 176,77 milyon manat, Lənkəran iqtisadi rayonu - 217,29 milyon manat, Şəki-Zaqatala iqtisadi rayonu - 165,67 milyon manat, Naxçıvan iqtisadi rayonu - 101,2 milyon manat.

Azərbaycanın iqtisadi rayonlarında kreditlər üzrə orta faiz dərəcələri:.

İqtisadi rayon

Orta illik faiz dərəcəsi

Abşeron iqtisadi rayonu

16,1%

Aran iqtisadi rayonu

23%

Dağlıq Şirvan iqtisadi rayonu

23,4%

Gəncə-Qazax iqtisadi rayonu

19,9%

Quba-Xaçmaz iqtisadi rayonu

20,4%

Lənkəran iqtisadi rayonu

22,3%

Şəki-Zaqatala iqtisadi rayonu

20%

Yuxarı Qarabağ

23,4%

Kəlbəcər-Laçın iqtisadi rayonu

-

Naxçıvan iqtisadi rayonu

10,25%