:
RU   AZ
  • Font size:
  • Decrease
  • Reset
  • Increase

Dollar kreditlərinin faizləri üzrə artıq ödənilən vəsaitlər qaytarılacaq

Font

Maliyyə naziri Samir Şərifov dollar kreditləri ödənilmiş faizlər üzrə artıq məbləğlərin qaytarılması məsələsinə aydınlıq gətirib.

S. Şərifov deyib ki, hər bir borc üzrə faiz hesablanıb və faizlər ödənilməlidir.

Maliyyə naziri qeyd edib ki, Prezidentin fərmanında xarici valyutada kreditlərlə bağlı pisləşdirici amillər üzrə güzəştlər nəzərdə tutulur: "2015-ci ildə baş vermiş devalvasiyalar nəticəsində borc alanın borcu qaytarmaq qabiliyyətinə mənfi təsir olubsa, bunun manat ifadəsində krediti artıb. Fərmanla bu mənfi təsir aradan qaldırılır. Yəni bununla əlaqədar dövlət tərəfindən həmin borc alanlara dəstək veriləcək”.

Maliyyə Nazirliyində problemli kreditlərlə bağlı "qaynar xətt"in yaradılacağı vaxt açıqlanıb

"Şübhəsiz ki, problemli kreditlərlə əlaqədar zamin, borclu, bank və kredit alanlar arasında bir çox sual yaranacaq. Hər bir fərdi hala baxılmasına ehtiyac var, çünki bunlar bir-birindən fərqlənə bilər”.

Bunu da jurnalistlərə açıqlamasında problemli kreditlərlə əlaqədar Prezident fərmanını şərh edən maliyyə naziri Samir Şərifov bildirib.

S. Şərifov deyib ki, Maliyyə Nazirliyinin İnternet portalında xüsusi bir bölmə yaradılır: "Fərmana əsasən, konkret təşkilatlar qarşısında 45 günlük müddət qoyulub. Ödənişlər Maliyyə Nazirliyi tərəfindən həyata keçiriləcək. Ona görə də Maliyyə Nazirliyində problemli kreditlərlə bağlı "qaynar xətt” də yaradılacaq. "Qaynar xətt"ə zənglər daxil olarkən həmin suallar cavablandırılacaq”.

Maliyyə naziri qeyd edib ki, fərmana əsasən, kreditlər bağışlanmır: "Fərmanda sadəcə, vaxtı ötmüş kreditlərin bağlanması üçün daha uzun müddət verilir. Eyni zamanda banklara, kredit təşkilatlarına tövsiyə olunur ki, borclulara dair məhkəmə, hüquq-mühafizə orqanlarında olan işləri geri çağırsın. Faiz və dəbbə borclarının silinməsi üzrə tədbirlər görülsün. Banklar, kredit təşkilatları borclulara dair məhkəmə və hüquq-mühafizə orqanlarında olan işləri geri çağırdıqdan sonra camaat "qara siyahı"lardan əziyyət çkməyəcək".