:
RU   AZ
  • Font size:
  • Decrease
  • Reset
  • Increase

Bu il Azərbaycanda əhali növbəti dəfə siyahıya alınacaq

Font

Azərbaycanda əhalinin növbəti siyahıya alınması bu il oktyabrın 1-dən 10-nə qədər keçiriləcək.

Bu barədə Dövlət Statistika Komitəsinin sədri Tahir Budaqov məlumat verib.

Onun sözlərinə görə, prosesə hazırlıq işləri 2017-ci ilin yanvar ayından başlanılıb: "Son 2 ildə siyahıyaalmanın metodoloji bazasının yaradılması başa çatdırılıb, bu prosesi tənzimləyəcək 50-ə yaxın normativ hüquqi sənəd hazırlanıb”.

T.Budaqov xatırladıb ki, ötən il oktyabrın 1-dən 10-na qədər Qəbələdə sınaq siyahıya alınması keçirilib: "Bunun məqsədi hazırlanan metodoloji bazanın əyani şəkildə tətbiqinin qiymətləndirilməsi və eyni zamanda siyahıya alınma üçün sonra proqram təminatının sınaqdan keçirilməsi olub. İndi əhalinin siyahıya alınmasına tam hazırıq. Hər bir rayon üzrə xüsusi nümayəndə seçilib və onlar üçün seminarlar keçirilir. 34 mindən çox insan bu təlimlərə cəlb ediləcək ki, siyahıya alınma uğurla həyata keçirilsin. Bundan sonra 10 mln. dan artıq sorğu vərəqləri emal ediləcək. Bu da uzun bir prosesdir və bütün bu mərhələlər Nazirlər Kabinetinin qərarı ilə təsdiq edilmiş Tədbirlər Planında öz əksini tapıb. Siyahıya almanın yekunu 2022-ci ilin I yarısının sonunda məlum olacaq”.

"İlkin hesablamalara görə, Azərbaycanın 10 milyonuncu sakini bu il martın sonunda, aprelin əvvəlində doğulacaq”.

Bunu da Dövlət Statistika Komitəsinin sədri.

"Ədliyyə və Səhiyyə Nazirlikləri, eləcə də Dövlət Miqrasiya Xidməti ilə birlikdə bu prosesi izləyirik”, - o bildirib.

Komitə sədri etiraf edib ki, son bir neçə ildə əhalinin təbii artım tempi zəifləyib: "Doğumların sayında azalmalar müşahidə edilir. Bunu bizim statistik məlumatlar da təsdiqləyir. 2009-cu ildə keçirilmiş əhalinin son siyahıya alınmasında Azərbaycanda ailənin orta tərkibi 4,7 nəfər təşkil edib. Bu il keçiriləcək əhalinin növbəti siyahıya alınmasında da bu rəqəm dəqiq göstəriləcək”.