:
RU   AZ
  • Font size:
  • Decrease
  • Reset
  • Increase

AQTA: Abşeronda fəaliyyət göstərən ulaq təsərrüfatı dövlət qeydiyyatına alınmayıb

Font

"Abşeron rayonu ərazisində fəaliyyət göstərən ulaq təsərrüfatının Azərbaycan Qida Təhlükəsizliyi Agentliyində (AQTA) qeydiyyatdan keçməsi ilə bağlı kütləvi informasiya vasitələrində yayılan məlumatlar həqiqəti əks etdirmir".

Bu barədə "Report"un sorğusuna cavab olaraq Agentlikdən bildirilib ki, sözügedən təsərrüfat qida məhsulları sahəsində fəaliyyət göstərən subyekt kimi dövlət qeydiyyatına alınmayıb.

Məlumatda qeyd olunub ki, Agentliyin əməkdaşları tərəfindən həmin təsərrüfatdan götürülmüş süd nümunələrinin müayinələri zamanı məhsulda bakterioloji çirklənmə aşkar edilib: "Məlum olub ki, uzunqulaq təsərrüfatının fəaliyyəti sanitar-gigiyenik normalara uyğun qurulmayıb. Bununla bağlı sahibkara həmin təsərrüfatda süd istehsalının və emalının dayandırılması və yalnız qanunvericilikdə tələb olunan tədbirlər həyata keçirildikdən sonra fəaliyyətə başlamaq üçün Agentliyə müraciət olunmasın dair məktub ünvanlanıb".