:
RU   AZ
  • Font size:
  • Decrease
  • Reset
  • Increase

Çaylarda suyun səviyyəsi dəyişib

Font

Çaylarda suyun səviyyəsi dəyişib. Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, Böyük Qafqazın Quba-Xaçmaz bölgəsi çaylarında sululuq ongünlük normanın 100-160, Kiçik Qafqazın çaylarında 90-100, Lənkəran-Astara bölgəsi çaylarında isə 80-140 faizini təşkil edib.

Tranzit çaylarda hazırki vəziyyətə gəlincə, noyabrın 23-də Kür çayının Qıraqkəsəmən məntəqəsində suyun səviyyəsində dəyişiklik müşahidə olunmayıb. Hazırda məntəqədə su sərfi 208 m3/s olmaqla ongünlük normanın 112 faizini təşkil edir. 2017-ci ildə isə bu rəqəm 157 m3/s olmaqla ongünlük normanın 140 faizini təşkil edib.

Qanıx çayının Əyriçay məntəqəsində suyun səviyyəsində 2 sm artım müşahidə olunub. Hazırda məntəqədə su sərfi 106 m3/s olmaqla, ongünlük normanın 131 faizini təşkil edir. 2017-ci ildə isə bu göstərici 42 m3/s təşkil edərək ongünlük normanın 52 faizinə bərabər olub.

Kür çayının aşağı axınında hazırki vəziyyətə gəlincə, noyabrın 23-də Kür çayının aşağı axınında suyun səviyyəsində əsasən mühüm dəyişiklik müşahidə olunmayıb. Belə ki, Kür çayının Surra məntəqəsində 5, Araz çayının Novruzlu məntəqəsində 2 sm azalma, Şirvan və Salyanda 2 sm artım, Bankədə isə suyun səviyyəsində dəyişiklik qeydə alınmayıb.

Hazırda Surra məntəqəsində suyun səviyyəsi 408 sm (2017-ci il noyabrın 23-də 369 sm), Şirvanda 303 sm (2017-ci il noyabrın 23-də 245 sm), Salyanda 265 sm (2017-ci il noyabrın 23-də 208 sm), Bankədə 242 sm (2017-ci il noyabrın 23-də 213 sm), Araz çayının Novruzlu məntəqəsində isə 123 sm (2017-ci il noyabrın 23-də 95 sm) təşkil edib.