:
RU   AZ
  • Font size:
  • Decrease
  • Reset
  • Increase

Əslində 2 xal itirdik - Qurban Qurbanov

Font

Futbol üzrə Azərbaycan yığmasının baş məşqçisi Qurban Qurbanov UEFA Millətlər Liqasının qrup mərhələsi çərçivəsində Maltaya qarşı keçirdikləri səfər oyununu şərh edib.

46 yaşlı mütəxəssis 1:1 hesabıyla bitən matçdan sonra bunları söyləyib:

"Qələbə qazanmaq istəyirdik. Əfsuslar olsun ki, buna nail olmadıq. Bir xal qazansaq da, əslində 2 xal itirdik. Bir neçə futbolçunun hazırlıq durumundan narahat idim. Görüləsi işlər çoxdu. Nəticədən narazılıq varsa, bunu üzərimə götürməliyəm.

Qrupumuzda yer alan digər komandaların da növbəti oyunlarda itkiləri olacaq. Qalan 4 oyunda qələbə qazanacağımız təqdirdə, uğura nail ola bilərik. Hər bir çətinliyi istədiyim kimi aradan qaldırmaq asan deyil. Futbolçularıma güvənib, bir olub hazırlaşmalıyıq”.