:
RU   AZ
  • Font size:
  • Decrease
  • Reset
  • Increase

Nuşirəvan Məhərrəmli: ANS-in taleyini məhkəmə müəyyən edəcək

Font

ANS Müstəqil Yayım və Media” Şirkətinin gələcək taleyi barədə məhkəmə qərar verəcək”.
Bunu Trend-ə Milli Televiziya və Radio Şurasının sədri Nuşirəvan Məhərrəmli deyib.
 
N.Məhərrəmli bildirib ki, bundan sonra bu məsələni hüquq-mühafizə orqanları həll edəcək: "Biz məhkəməyə müraciət etmişik, məhkəmə də araşdırıb qərarını verəcək. ANS-in gələcək taleyi məhkəmə qərarından asılı olacaq”.
 
Qeyd edək ki, iyulun 18-də MTRŞ-nin növbəti iclası keçirilib. Şura Türkiyə ilə Azərbaycan arasında strateji tərəfdaşlıq münasibətlərinin pozulmasına yönəlmiş təxribatın qarşısını almaq, açıq şəkildə terrorizmin təbliğatına yol verməmək məqsədilə Azərbaycan Respublikası Baş Prokurorluğunun 18 iyul 2016-cı il tarixli müraciətini, "Televiziya və radio yayımı haqqında” Azərbaycan Respublikası Qanununun 11, 23, 32-ci maddələrinin tələblərini rəhbər tutaraq "ANS Müstəqil Yayım və Media” Şirkətinin yayımının 18 iyul 2016-cı il tarixdən saat 18:30-dan etibarən bir ay müddətinə dayandırılması, 25 oktyabr 2013-cü il tarixli TR 099 saylı xüsusi razılığın (lisenziyanın) qüvvəsinə xitam verilməsi barədə məhkəmədə iddia qaldırılması, "Televiziya və radio yayımı haqqında” Azərbaycan Respublikası Qanununun 23.2.8-ci maddəsinin tələbinə uyğun olaraq "ANS ÇM Yayım və Media” Şirkətinə 25 oktyabr 2013-cü il tarixdə verilmiş TR 100 saylı xüsusi razılığın (lisenziyanın) qüvvəsinə xitam verilməsi barədə qərar qəbul edib.