:
RU   AZ
  • Font size:
  • Decrease
  • Reset
  • Increase

1998-ci ilin dünya çempionları hazırda nə işlə məşğuldular?-FOTOLAR

Font

1998-ci ildə Fransada təşkil olunan və Fransanın çempionluğu ilə bitən dünya çempionatından 17 il ötüb. Həmin mundialda Fransanın heyətində yer alan futbolçuların hazırda nə işlə məşğul olduqlarını təqdim edirik:

Qapıçılar:

№1. Bernar Lama (Meydana çıxmayıb)

2006-cı ilin iyulunda Keniya yığmasının baş məqçisi təyin olunub, lakin bu, 2 ay davam edib və iş şərtlərindən narazı qaldığı üçün ayrılıb. 2015-ci ildən Qayana yığmasının baş meneceri vəzifəsində çalışır.

№16. Fabyen Bartez (7 oyun, 2 top buraxıb)

Karyerasını bitirəndən sonra avtomobil yarışlarına qatılıb, hətta 2013-cü ildə FFSA GT üzrə Fransa çempionatının qalibi olub. 2015-ci ilin martında Fransada təşkil olunacaq AVRO-2016-nın Tuluza şəhərində səfiri təyin olunub.

№22. Lionel Şarbonye (Meydana çıxmayıb)

2007-ci ildə Taiti millisinin məşqçisi olub. Daha sonra 2015-ci ilin yanvar ayına qədər Fransanın "İstr" klubunu çalışdırıb.

Müdafiəçilər:

№2. Vensan Kandela (1 oyun)

2014-cü ildə İtaliyanın "Ulduzlarla rəqs" yarışmasında iştirak edib. Hazırda agent fəaliyyəti ilə məşğuldu.

№3. Biksent Lizarazu (6 oyun, 1 qol)

2006-cı ilin mayında "Canal+"la ekspert mövqeyi üçün 3 illik müqavilə imzalayıb. Sörfinq və Ciu-citsu ilə peşəkar məşğul olur – 2009-cu ildə Avropa çempionatının qalibi olub. Hazırda Çempionlar Liqasının və Fransa yığmasının matçlarını şərh edir.

№5. Loran Blan (5 oyun, 1 qol)

2007-2010 tarixlərində "Bordo"ya, 2010-2012-ci illərdə isə Fransa yığmasına rəhbərlik edib. Hazırda PSJ-nin baş məşqçisidir.

№8. Marsel Desayi (7 oyun)

2008-ci ildə Afrika Millətlər Kubokunun təşkilində iştirak edib. 2002-ci ildə avtobioqrafiyasını dərc edib. 80 000 nüsxə satılıb. 2011-ci ildə Fransa Futbol Federasiyasına qoşulub.

№15. Lilian Türam (6 oyun, 2 qol)

Bir neçə kitab yazıb, həmçinin 2012-ci ilin martında işıq üzü görən "Bərabərlik manifesti"ni də... Oğlu Markus yaxınlarda "Soşo" klubunun heyətində 2-ci Liqada debüt edib.

№18. Frank Leböf (3 oyun)

2005-ci ildə aktyorluq kurslarını uğurla bitirib, hazırda filmlərdə çəkilir. Həmçinin şərhçi kimi də çalışır.

Yarımmüdafiəçilər:

№4. Patrik Vieyra (2 oyun)

"Mançester Siti"də U19 komandasının məşqçisi kimi çalışır.

№7. Didye Deşam (6 oyun)

"Monako", "Yuvetus" və "Marsel"də işləyib. 2012-ci ildən Fransa yığmasının baş məşqçisidi.

№10. Zinəddin Zidan (5 oyun, 2 top)

2011-ci ildə "Real"ın idman direktoru vəzifəsinə təyin olunub. 2013-cü il iyununda Karlo Ancelottinin köməkçisi olub. 2014-cü ildən "Real"ın ikinci komandası "Kastilya"ya rəhbərlik edir.

№11. Rober Pires (3 oyun)

"beIN Sports" kanalında ekspert kimi çalışır.

№13. Bernar Diomed (3 oyun)

2008-ci ildə Fransa Futbol Federasiyasının sponsorluq etdiyi Bernar Diomed Akademiyasını açıb.

№14. Alen Boqossyan (5 oyun)

2008-ci ildə Fransa yığmasında Raymon Domenekin köməkçisi təyin edilib. Loran Blanın zamanında da köməkçi işləyib. Didye Deşamanın gəlişi ilə öz postunu tərk edib.

№17. Emanuel Peti (6 oyun, 2 qol)

Fransa televiziyasında şərhçi kimi çalışır, DÇ-2014-ü şərh edib.

№19. Kristian Karambö (4 oyun)

2005-ci ildə FIFA-nın Okeaniyada səfiri olub. 2013-cü ildən yunan klubu "Olimpiakos"un beynəlxalq münasibətlər üzrə məsləhətçisidi.

Hücumçular:

№6. Yuri Corkayef (7 oyun, 1 qol)

Nyu-Yorkda yaşayır, gənclər üçün xeyriyyə turnirləri təşkil edir.

№9. Stefan Qivarş (6 oyun)

2003-cü ildə öz səsini "Pro Evolution Soccer 3"ə borc verib. Bu gün isə "Trequnc” klubunun prezidentidi.

№12. Tyerri Anri (5 oyun, 3 qol)

2014-cü ilin dekabrında Anri oyunçu karyerasına son qoyub və ingilis kanalı "Sky Sports"da futbol eksperti oldu, eyni zamanda UEFA-nın A və B kateqoriyaları üzrə məşqçi lisenziyası almaq üçün təhsil almağa başlayıb. 2015-ci ilin fevral ayında "Arsenal” Anriyə gənclərdən ibarət komandaların birinin məşqçi vəzifəsini təklif edib.

№20. David Trezeqe (5 oyun, 1 qol)

Davidin sonuncu klubu Hindistan "Puma Siti"si olub və orada da karyerasına son qoyub.

№21. Kristof Cüqari (3 oyun, 1 qol)

Teleaparıcı – "Canal+" kanalında "Canal Football Club” proqramını aparır. // dsport.az