"Son günlər koronavirusa yoluxma sayında artım var".

Bunu  TƏBİB-in xəstəliklərin profilaktikası və kontrolu departamentinin rəhbəri Yaqut Qarayeva deyib. O bildirib ki, bu, gözlənilən prosesdir: "Mərhələli olaraq sərtləşmə rejimindən çıxdıq. Kafe-restoranlar, məktəblər açıldı. Bu artımda hər birimizin rolu var".

Onun sözlərinə görə, yanvarın 18-dən vaksinasiyaya başlanılıb: "Azərbaycan dünya ölkələrində ilklərdən idi. Vakansiya çox yaxşı gedir və mərhələli şəkildə davam edir. Bütün bölgələrdə vaksinasiya prosesi gedir. Son müşavirədən sonra bizə verilən tapşırığa əsasən vaksinasiyanı sürətləndirməliyik".

Y. Qarayeva bildirib ki, vaksinasiya yeni bir şey  deyil, 100 illərdir insanları ölümcül və qorxunc xəstəliklərdən qoruyub: "Vaksinasiyadan qorxmamalıyıq. Onun kiçik fəsadlarından çəkinməməliyik".

TƏBİB: Hazırda çarpayı fondu ilə bağlı problemimiz yoxdur

"Hazırda çarpayı fondu ilə bağlı problemimiz yoxdur".

Bunu TƏBİB-in xəstəliklərin profilaktikası və kontrolu departamentinin rəhbəri Yaqut Qarayeva deyib.

O bildirib ki, problem stasionar çarpayı ilə bağlı olmur: "Bununla bağlı heç bir problem olmur. Bizim modul tipli xəstəxanalarımız var. Biz, əsasən, reanimasiyada çarpayı ilə bağlı problemlərlə üzləşirik. Daha çox önəmli olan bu göstəricidir. Bu gün hələ ki, bu problemlə üzləşməmişik. Bununla bağlı fəaliyyət planımız var. Əgər epidemioloji vəziyyətlə əlaqədar reanimasiya çarpayılarının dolması olarsa, dövlət tərəfindən lazımi tədbirlər görüləcək". 

.