“Ölkənin müdafiə qabiliyyətinin və milli təhlükəsizliyinin daha da artırılması, pandemiyaya qarşı mübarizə ilə bağlı əvvəlcədən proqnozlaşdırılması mümkün olmayan əlavə xərclər üçün 465 milyon manat vəsaitin ayrılması nəzərdə tutulur”.

Bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında Maliyyə naziri Samir Şərifov deyib.

"Burada əsas məqam ondan ibarətdir ki, pandemiyanın nə qədər davam edəcəyi bilinmir", - deyə nazir qeyd edib. 

Maliyyə naziri: “Tibb işçiləri üçün əlavə vəsaitin cəlb olunmasına ehtiyac var”

“Prezident İlham Əliyevin sərəncamına uyğun olaraq koronavirusla mübarizə aparan tibb işçilərinin vəzifə maaşlarına xüsusi müddətli əlavələr təyin olunur”.

Bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında Maliyyə naziri Samir Şərifov deyib.

Onun sözlərinə görə, həmin tədbirin maliyyələşdirilməsinə əlavə vəsaitin cəlb olunmasına ehtiyac var: “Digər tərəfdən zəruri tibbi avadanlıqların və başqa ehtiyacların maliyyələşdirilməsinə, bir sıra xəstəxanaların koronavirus xəstələrinin müalicəsi üçün yenidən istifadəyə verilməsinə vəsait ayrılacaq”.

.