“Rusiya ilə Belarus arasında nifaq salmaq istəyənlər müvəffəqiyyətsizliyə düçar olacaqlar”.
TASS verdiyi xəbərə görə, bunu Rusiya Xarici İşlər Nazirliyinin (XİN) rəsmi nümayəndəsi Mariya Zaxarova deyib.
O bildirib ki, Belarusda prezident seçkiləri ərəfəsində saxlanılan rus vətəndaşlarla bağlı problemə tezliklə aydınlıq gətiriləcək.
“Artıq saxlanılan rus jurnalistlərin əksəriyyəti azad edilib. Rusiya Belarusdakı vəziyyətin tezliklə stabilləşəcəyinə ümid edir”, - deyə XİN rəsmisi qeyd edib.
M. Zaxarova Belarusdakı iğtişaşlarda “rus izi” axtarmağın əsassız olduğunu da vurğulayıb.
.
