Azərbaycan Rusiyanın Cənubi Qafqazda və Xəzər regionunda mühüm tərəfdaşı və müttəfiqidir.
Bu barədə Rusiya XİN-in nazir Sergey Lavrovun Azərbaycana səfər proqramı ilə bağlı yaydığı məlumatda bildirilib.
“Ölkələrimiz arasında münasibətlər çoxillik dostluq və mehriban qonşuluq ənənələri ruhunda dinamik şəkildə inkişaf edir. Gündəlik birgə iş bərabərlik, qarşılıqlı hörmət və bir-birinin maraqlarının nəzərə alınması prinsipləri əsasında qurulur. Hazırda iki ölkə arasında 150-dən çox beynəlxalq hüquqi akt bağlanıb. Ən yüksək səviyyədə müntəzəm dialoq aparılır. 2022-ci ildə Rusiya Federasiyasının Prezidenti Vladimir Putin və Azərbaycan Respublikasının Prezidenti İlham Əliyev arasında yeddi görüş və 12 telefon danışığı, 2023-cü ildə - fevralın 14-də bir telefon danışığı olub. 17-18 noyabr 2022-ci il tarixlərində Rusiya Federasiyası Hökumətinin Sədri Mixail Mişustinin Azərbaycana ilk səfəri baş tutub. Rusiya Federasiyasının xarici işlər naziri Sergey Lavrov və Azərbaycanın xarici işlər naziri Ceyhun Bayramov ötən il ərzində səkkiz görüş keçiriblər. Rusiya ilə Azərbaycan arasında ticarət-iqtisadi əlaqələr möhkəmlənir. 2021-ci ilin sonunda ticarət dövriyyəsi 3,4 milyard dollar (2020-ci illə müqayisədə 16,1 faiz artım), Rusiya ixracı 2,4 milyard dollar (artım 12 faiz), idxal 1 milyard dollar (artım 26,8 faiz) təşkil edib. 2022-ci ilin yanvar-oktyabr aylarında ticarət dövriyyəsinin həcmi 3 milyard dolları ötüb (keçən ilin eyni dövrü ilə müqayisədə 16% artım). 2024-cü ilə qədər Rusiya-Azərbaycan əməkdaşlığının əsas istiqamətlərinin inkişafı üzrə Fəaliyyət Planı ardıcıl olaraq həyata keçirilir, o cümlədən altı yol xəritəsi (ticarət, nəqliyyat infrastrukturu, yüksək texnologiyalı sənayelər, iqtisadiyyatın səmərəliliyinin artırılması, turizm, əməkdaşlıq innovativ inkişaf və rəqəmsal texnologiyalar sahəsində). 26 aprel 2022-ci il tarixində Bakıda Rusiya Federasiyası və Azərbaycan Respublikası arasında iqtisadi əməkdaşlıq üzrə Hökumətlərarası Komissiyanın 20-ci yubiley iclası çox uğurla keçirilib.
Komissiyanın növbəti iclası yaxın aylarda Moskvada keçiriləcək. İki ölkənin parlamentariləri ənənəvi olaraq konfidensial əlaqələr saxlayırlar. 2022-ci il sentyabrın 26-da Rusiya Federasiyası Federal Məclisi Dövlət Dumasının sədri Vyaçeslav Volodin Azərbaycana səfər edib. 22 noyabr 2022-ci il tarixində Bakıda Rusiya Federasiyası Federal Məclisi ilə Azərbaycan Respublikasının Milli Məclisi arasında əməkdaşlıq üzrə Parlamentlərarası Komissiyanın 18-ci iclası keçirilib. Bu il fevralın 13-ü Azərbaycan Respublikası Milli Məclisinin sədri Sahibə Qafarovanın Moskvaya səfəri səmərəli keçib, səfər zamanı Dövlət Duması ilə Milli Məclis arasında əməkdaşlıq haqqında saziş imzalanıb, Sahibə Qafarova ilə Rusiya Federasiyası Federal Məclisinin Federasiya Şurası sədri Valentina Matviyenko arasında görüş keçirib. Ölkələrimizin regionları arasında mübadilələr getdikcə inkişaf edir. Rusiya Federasiyasının 80-ə yaxın subyekti regionlararası əməkdaşlığa cəlb olunub, onlardan 18-i Azərbaycanla ticarət-iqtisadi, elmi-texniki, mədəni-humanitar əməkdaşlıq haqqında müqavilələr bağlayıb. 2022-ci il noyabrın 18-də Bakıda “pandemiya” fasiləsindən sonra 11-ci Rusiya-Azərbaycan Regionlararası Forumu uğurla keçirilib. Bu cür tədbirlər ümumilikdə ikitərəfli münasibətlərin inkişafına mühüm töhfə verir”, - Rusiya XİN-in məlumatında qeyd olunub.
.
