Rusiya DİN Ukrayna Silahlı Qüvvələrinin komandanı Valeri Zalujnı barəsində axtarış elan edib.
Bu barədə məlumat Rusiya DİN bazasında yerləşdirilib.
"Valeri Fedoroviç Zalujnı Rusiya Cinayət Məcəlləsinin müvafiq maddəsi ilə axtarışa verilib", - məlumatda deyilir.
Qeyd edək ki, Zalujnı bu ilin 8 may tarixindən ictimaiyyət arasında görünmür. Buna səbəb kimi göstərilən versiyalardan biri onun yoxluğunun aldığı yara ilə əlaqədar olduğunu, digəri isə Zalujnının döyüş bölgəsində öldüyünü irəli sürürdü.
İkinci versiya irəli sürüldükdən sonra Ukrayna müdafiə nazirinin müavini Anna Malyar tərəfindən bu təkzib edilib.
.
