Milli Məclisin deputatı Anar Məmmədovun təşəbbüsü ilə Qurban bayramı ilə əlaqədar seçildiyi 96 saylı Goranboy-Naftalan seçki dairəsi ərazisində yaşayan 1200-dən çox şəhid ailəsinə, Qarabağ qazilərinə, Çernobıl əlillərinə, qaçqın və məcburi köçkünlərə, habelə imkansız ailələrə ərzaq məhsullarından ibarət bayram sovqatı  və qurban payı çatdırılıb. 
    Deputatın sözlərinə görə, bu cür xeyriyyə aksiyalarının məqsədi milli-mənəvi dəyərlərimizi təbliğ etmək, insanları birliyə, əmin-amanlığa səsləmək, aztəminatlı ailələrin, əlil, ahıl və kimsəsizlərin bayram sevincinə şərik çıxmaq, onları sevindirməkdən ibarətdir. 
    Bayram sovqatı alan ailələr də öz növbəsində onlara göstərilən diqqət və qayğıya görə ölkə başçısı cənab Prezident İlham Əliyev və Birinci Vitse-Prezident Mehriban xanım Əliyevaya dərin təşəkkürünü bildirib. 
 

.